Ekkiland

2010-09-21T16:07:00.001+02:00

Það er ótrúlega gaman í bókasafnsfræði. Nú get ég orðið eins og Giles.

2010-03-02T15:04:00.002+01:00

Í dag:

Lilja fjögurra mánaða.
Pabbi 68 ára.
Jonathan búinn að vinna í 12 ár hjá DELL.
Ég mundi eftir blogginu mínu.

Skyldi einhverntíman einhver sjá þetta?

2009-05-16T14:39:00.001+02:00

Ég er að spá í að blogga einhverntíman aftur.

2009-03-09T18:54:00.002+01:00

Mínar innilegustu samúðaróskir til allra aðstandenda Hákons Aðalsteinssonar. Þar kveður einstakur maður og voru það mikil forréttindi að fá að kynnast honum á menntaskólaárunum.

Hvíl í friði Hákon.

2009-02-04T13:33:00.001+01:00

Heiða skáldar lög og texta sem hún syngur jafn óðum. Nú semur hún líka ljóð. Hún samdi þetta fyrir nokkrum dögum.

Það er snjór og það eru jól.
Það er snjór og það er kalt.
Það er snjór og það er hvítt.
Það er súrmjólk.

2008-12-19T21:14:00.003+01:00

Jólalag baggalúts minnir mig á Ástu Gísla og Siggudís. Fleiri orð verða ekki um það höfð.

2008-12-19T13:30:00.002+01:00

Komin heim í 10 stiga frostið :)

Atvinnumál í uppnámi
Húsnæðismál í uppnámi
Þór með eyrnabólgu

En við hlökkum samt bara til jólanna. Þetta reddast allt :)

2008-11-28T16:34:00.006+01:00

Húsnæði svo gott sem í höfn.
Skriður kominn á atvinnumálin.
Leikskólavist líkleg ekki seinna en febrúar.
Gámur bókaður.
Bíll í alsherjar yfirhalningu fyrir veturinn.

Þetta er bara allt að koma, þarf bara að koma út blessuðu húsinu í Frakklandi.

Ble ble ble,

2008-11-26T01:51:00.005+01:00

Ég er komin með krónískan kvíða stress áhyggju spennings tilhlökkunarhnút í magann.

Förum við á hausinn á þessu ævintýri öllu saman eða fæ ég einhverntíman eitthvað að gera.

Bara að blessað litla húsið í Frakklandi seldist. Þá myndum við anda tvöhundruðogfimmtíuþúsundkalli léttar á mánuði (miðað við gengi dagsins í dag).

Langar einhvern í hús í suður-Frakklandi? Tombóluverð !

2008-11-25T22:30:00.002+01:00

Og meira af tali.

Heiða er farin að nota ýmis orðatiltæki og málvenjur en ruglar því stundum. Í kvöld var til dæmis grenjandi kalt í húsinu og svo hefur hún líka verið steinheppin.

Ble ble ble,

2008-11-21T10:40:00.005+01:00

Að flytja til Íslands er góð skemmtun. En kostar maaaarga peninga. Til dæmis kostar það okkur 350 þúsund kall að fá að eiga bílinn okkar áfram á Íslandi. Og það kostar okkur 125 þúsund kall að senda hann heim *yfirlið*. Svo kostar annan 350 þúsund kall að flytja búslóðina heim. Bless milljónkall.

Ble ble ble,

2008-11-15T13:17:00.001+01:00

En ótrúlega ósmekklegt. Ég vona að enginn kaupi þennan hroða.

http://visir.is/article/20081114/LIFID01/125368244

2008-11-15T00:49:00.002+01:00

Ég les orðið mjög reglulega skrifin hans doktor Gunna. Snilldarpenni þar á ferð og segir hlutina tæpitungulaust.

http://www.visir.is/article/20081113/SKODANIR06/113042144

Ble ble ble,

2008-11-13T15:58:00.001+01:00

Tvífarar:

2008-11-13T01:28:00.002+01:00

Þór segir næjómes (mæjónes) og aggassið (afsakið). Enda örvhentur greyið ;) Ætli hann sé ekki bara örvmæltur líka.

Heiða fann upp nýtt orð um daginn. Þór var að stríplast eitthvað og þá sagði hún - Nú ert þú strípill.

2008-11-11T01:06:00.001+01:00

Geta þeir ekki bara fengið Ísland á brunaútsölu?

2008-11-09T21:35:00.003+01:00

Jæja. Eftir miklar bollaleggingar, ígrundanir og vangaveltur um helgina hefur endanleg ákvörðun verið tekin og eigum við nú bókað flug aðra leiðina til Íslands þann 17. desember. Ætlunin er að dvelja í 18 mánuði til að byrja með og reyna svo eftir það að ákveða í hvoru landinu við ætlum að setjast að.

Fyrst um sinn verðum við fyrir austan og reynum að leita fyrir okkur að húsnæði þaðan. Það er hugsanlegt að við fáum að vera í húsi móðursystur minnar í Reykjavík í þrjá mánuði til að byrja með og þá fer húsnæðisleitin bara fram þaðan. Það má alla vega reikna með okkur á malbikið einhverntíman í janúar.

JJJJJJJJEEEEEEEEEEEEEEEEEEEEEEESSSSSSSSSSSSSSSSSSSSSSSSSSSSSSSSSSSSSSSSSS.

Elsku elsku elsku landið mitt, fjölskyldan mín og vinir - ég er að koma heim. LOKSINS. Og ég hlakka svo til :D

Ble ble ble,

2008-11-07T17:44:00.001+01:00

Ég hlýt að vera algjörlega rugluð að vera ennþá að spá í að flytja heim. Held ég hafi aldrei verið eins ringluð í sambandi við nokkra ákvörðun sem ég hef þurft að taka.

Er yfirhöfuð einhver von til þess að fá vinnu í þessu umhverfi sem ríkir á Íslandi núna?

Þarf að gera pros og cons lista hið fyrsta.

2008-10-25T10:14:00.003+02:00

Litli snjalli strákurinn minn sem er alltaf að keppast við að sanna hvað hann er stór. Vinsæl setning um þessar mundir er Jóð eð dóð dáku (Þór er stór strákur). Hann skipti um skoðun í gær. Vildi bara vera lítill. Samtalið var á þessa leið.

M: Jæja krakkar. Nú verðum við að taka til í stofunni svo við getum haft bíó í kvöld.

H: Já mamma mín. Hvað á ég að gera fyrst?

M: Þið skuluð hjálpast að við að tína saman litina og setja þá í boxið.

Þ: (kom alveg til mín og horfði í augun á mér) Mamma mín, Jóð eð alltof lítill að taka til dofunni. Lítill dáku getu ekki jáppa. Baða leika meija (Þór er allt of lítill til að taka til í stofunni. Lítill strákur getur ekki hjálpað. Bara leika meira).

Og hvað segir maður við því?

Ble ble ble,

2008-10-16T10:28:00.000+02:00

Nei Nei Nei Nei Nei

2008-10-13T13:26:00.000+02:00

Ég vona að einhver taki Dr. Gunna á orðinu og búi þetta til.

2008-10-13T11:00:00.004+02:00

H: Mamma, af hverju drekkurðu svona mikið gos?

M: Af því að mér finnst það svo gott.

H: Þú átt ekki að drekka svona mikið gos. Það er ekki gott fyrir þig. Þú verður að hætta því. Lofarðu?

M: Uh, já já.

H: Þú átt bara að drekka vatn því það er svo hollt. Þú getur drukkið gos á jólunum. Eins mikið og þú villt. Það má alltaf drekka gos á jólunum.

H: Mamma, hvaða ber er núna?

M: Ber?

H: Já, svona ber eins og í desember.

Þ: Mamma (með mesta grallarasvip í heimi) é með kúk í hendinni !

M: Ha!? Oj, ertu með kúk?

Þ: Sprakk gjörsamlega úr hlátri, ég hélt hann myndi kafna (var náttúrlega ekki með neinn kúk í hendinni, bara lítinn stein). Strax byrjaður að stríða.

Þór er einnig kominn allt of snemma á af hverju stigið. Akkuððu akkuððu akkuððu. Svo svarar maður. Þá kemur, Hvað meija? Svo ef maður svarar ekki strax þá svarar hann bara sjálfur, Aþþí baða Jóð (Þór).

Og í morgun, lengsta setningin á ensku hingað til,
Þau voru að borða morgunmat, Jonathan spyr Heiðu hvað hún sé að borða, Cherios segir heiða. Þá segir Þór: Daddy, Thor is eating cherios as well. Hann fer að verða ofsalega vel talandi á báðum tungumálum þó svo hann sé stundum pínu óskýr ennþá. Hann er líka stundum farinn að nota ég og þú og hann og hún.

Ble ble ble,

2008-10-12T10:01:00.002+02:00

Ókey, það er dapurlegt að öll þessi sveitarfélög hér í Bretlandi séu að tapa svona háum fjárhæðum í íslensku bönkunum. Nú vola þau og væla yfir að geta ekki greitt laun og þurfa að hækka skatta sem er náttúrlega ekki gott. Mér er hins vegar fyrirmunað að skilja hvernig þau geta firrt sig allri ábyrgð. Það var margoft búið að vara bæði sveitarfélögin og breska ríkið vegna íslensku bankanna og þeirri vaxandi áhættu sem fylgdi því að vera með inneignir þar. Einnig var búið að vara við því að ábyrgðir kynnu ekki að standa undir innistæðunum. Og hvað gerðu þessi sveitarfélög. Ekki neitt. Hundsuðu öll utanaðkomandi ráð og viðvaranir. Og sitja þar af leiðandi í súpunni núna.

Ble ble ble,

2008-10-11T10:06:00.002+02:00

Ég held að yfirvöld ættu að hlusta á Shigeo Katsu !

2008-10-09T17:18:00.003+02:00

Bærinn minn átti 5 milljónir punda í íslenskum bönkum. Ég held ég fari bara að segjast vera norsk eða eitthvað. Íslendingar ekki sérlega vinsælir hérna og íslensku bankarnir headline news í hverjum einasta fréttatíma.

Þá er nú ágætt að geta haldið til í garðinum í glampandi sólskini og 20 stiga hita við að þvo bílinn og sulla með krökkunum.

Ble ble ble,

2008-10-07T09:39:00.000+02:00

Awww, gamla góða sauðkindin.

2008-10-06T23:52:00.001+02:00

Mér finnst eins og heimurinn sé að segja mér að ég eigi ekki að flytja heim núna.

Hrmpf.

2008-09-19T20:15:00.002+02:00

Blessuð börnin.

Það er svo gaman að þeim núna. Svo dugleg (oftast) að leika sér saman. Sitja við stofuborðið og lita saman og syngja í kór. Heiða les fyrir Þór og kennir honum lífsins gögn og nauðsynjar. Dæmi um slíkt er eftirfarandi samtal sem átti sér stað þegar við vorum að fara að sofa í gær.

(Þór var að óþekktast í rúminu sem áður)
Mamma: Þú verður að vera stilltur Þór !!!
Þór: Mamma veððu líga veða dittu (mamma verður líka að vera stilltur)
Heiða: (alveg að sofna en við þetta spratt hún upp í rúminu) Nei Þór. Mamma er kona og þá á maður ekki að segja stilltur. Það er bara fyrir menn. Ef að það er kona þá á maður að segja stillt ekki stilltur. Þú átt að segja mamma verður líka að vera stillt (alveg með málfræðina á hreinu).
Þór: Ógei Heija mín. Fyðigeððu. Mamma veða ditt.

Ble ble ble,

2008-09-08T14:01:00.003+02:00

Dýrakex, smurostur og Doctor Crock skór á óskalistanum. Best að skutlast með barnið í búð. Veit reyndar ekki hvernig Doctor Crock skór líta út en Heiða veit það eflaust. Ég fæ þá sjálfsagt líka að heyra það að ég verði að vera með báðar hendurnar á stýrinu PLÍS mamma.

Þór er orðinn svo duglegur að tala. Hann veit sko alveg hvenær á að tala ensku og hvenær íslensku. Skiptir á milli eins og ekkert sé.

Luv og ble ble ble

2008-09-08T12:09:00.002+02:00

:(

Þetta virðist ekki ætla að hafast.

Þetta er að reynast mér afar erfitt en þó svo ég tapi einni orrustu þá neita ég að tapa stríðinu.

Ég er blá en ekki buguð.

Hér gæti ég skrifað langa ræðu um tilfinningar mínar í eigin garð en ég efast um að það hafi nokkuð gott í för með sér. Best að bæla svoleiðis og einbeita sér að næsta skrefi.

Það hefur margt gott og fallegt og jákvætt komið út úr þessu öllu saman, ég á bestu mömmu í heimi (ég vissi það nú reyndar alveg fyrir og hún bestnar bara og bestnar), ég er ástfangnari en nokkru sinni fyrr og börnin mín bræða mig oft á dag.

Og nú skulum við bara tala um eitthvað annað :)

2008-08-18T17:40:00.002+02:00

Hann Þór Sebastian á afmæli í dag. Tveggja ára. Litli kúturinn minn. Hann fékk m.a. verkfærasett og fjarstýrðan bíl í afmælisgjöf.

Takk fyrir gjafirnar og kveðjurnar :)

2008-08-07T20:35:00.002+02:00

Vinsældarlisti letihauganna:
10. Uppáhaldsgæludýr: Skjaldbaka
9. Uppáhaldsmatur: Síróp
8. Uppáhaldsíþrótt: Stangveiði
7. Uppáhaldsklisja: “Betra seint en aldrei”
6. Uppáhaldsheimilistæki: Gufusuðupottur
5. Uppáhaldslag: “Yesterday”
4. Uppáhaldssöngleikjalag: “Tomorrow”
3. Uppáhaldstímarit: “Time”
2. Uppáhaldssetning í bíómynd: “Ég hugsa um það á morgun” (Scarlett O’Hara, Á hverfanda hveli)
1. Slagorð: “Ég geri það á morgun”

Heimild: Á morgun segir sá lati. Listin að framkvæma strax eftir Ritu Emmett.

2008-08-04T22:21:00.002+02:00

Hversu langt úti í buskanum er maður ef maður býr í póstnúmeri 221? Hvað tæki mann t.d. langan tíma að keyra í vinnuna á morgnanna ef maður ynni nálægt kringlunni? En ef maður ynni nálægt smáranum?

Ble ble ble,

2008-08-02T22:11:00.003+02:00

Ok. Við segjum mánudagur, þriðjudagur, miðvikudagur..... og svo mánudagskvöld, þriðjudagskvöld, miðvikudagskvöld.....

Af hverju segjum við ekki frekar mánukvöld, þriðjukvöld, miðvikukvöld o.s.frv.

2008-07-22T14:17:00.000+02:00

"He that is good with a hammer tends to think everything is a nail"
Abraham Maslow

2008-07-18T18:57:00.001+02:00

Sigga Lára spurði um framvindu... Hér er hún.

Það er í sjálfu sér ekkert að gerast ennþá nema að leigjendur hússins í Frakklandi eru að íhuga hvort þau kaupi húsið af okkur (sem væri náttúrlega voða þægilegt fyrir alla aðila).

Dell-mál komast vonandi á hreint fyrir lok næstu viku. Sama má segja um fræðilegan hluta ritgerðar satans, en honum skal skilað 25. júlí þó svo ég þurfi að sleppa því að sofa alveg þangað til.

More later...

2008-07-05T10:59:00.002+02:00

Jæja. Búin að fá verðmat á húsið í Frakklandi. Dell að skoða hvort Jonathan geti fengið að vinna á Íslandi. Allt að gerast bara.

Ef þið eruð að losa ykkur við nothæf húsgögn eða annan húsbúnað þá megið þið alveg bíða aðeins með að henda því, aldrei að vita nema ég sníki það af ykkur. Væri voða munur að þurfa ekki að flytja allt með okkur heim (eigum hvort sem er engin merkileg húsgögn.

Ble ble ble,

2008-06-28T14:20:00.003+02:00

Mig vantar (kannski) þriggja eða fleiri svefnherbergja íbúð til leigu í haust. Með eða án húsgagna. Má ekki vera fáránlega dýr (max. 180.000).

Reglusemi og skilvísi heitið.

Eruð þið til í að hafa augu, eyru og önnur skilningarvit opin fyrir okkur?

Ble ble ble,

2008-05-30T10:22:00.001+02:00

Við erum að fara í sumarfrí. Komum aftur 9. júní. Jei.

Ble ble ble,

2008-05-24T20:49:00.001+02:00

Jæja, nú verðið þið öll að kjósa England. Ég á ekki von á öðru en að það verði aftur kosið 30 sinnum á þessu heimili í kvöld.

Koma svo Ísland :)

Ble ble ble,

2008-05-22T23:01:00.001+02:00

Það er allt Jonathan að þakka að Ísland komst áfram í Júró. Hann kaus 30 sinnum þessi elska.

Ble ble ble,

2008-05-22T21:10:00.001+02:00

Heimþrá ehf. Ég verð bara klökk. Þau eru yndi.

A good start. I can smell the Eurovision here. We like it.

Kommentin frá BBC.

Mig langar í júróvisjon partý.

Ble ble ble,

2008-05-22T11:44:00.001+02:00

Sumar og sól og blíða. Enska sumarið er hreint út sagt yndislegt. Vika í sumarfrí. Get ekki beðið. Hef ekki hlakkað svona mikið til nokkurs hlutar í mörg mörg mörg ár. Jah, nema kannski þess að fæða börnin mín.

Kveðja

2008-05-20T23:10:00.003+02:00

Ég er hálf veik af ógeði.

Í Bretlandi eru lögleg mörk fyrir fóstureyðingar 24 vikur. Eftir 12 viku og fram að þeirri 20ustu er fóstrið og allt því fylgjandi dregið út með töngum. Eftur 20ustu viku þarf fyrst að sprauta fóstrið til að stöðva hjartsláttinn, svo er allt dregið út einhvernvegin. Ég man mjög vel tilfinninguna þegar ég var komin 24 vikur á leið.

Þetta er algjör viðbjóður. Mig langar bara að gráta.

2008-05-05T19:46:00.002+02:00

Getur einhver lánað mér milljón? Svona einhverntíman með haustinu. Helst vaxtalaust og án afborgana næstu fimm árin.

Með fyrirfram þökk fyrir frábærar undirtektir,

2008-04-12T14:57:00.002+02:00

http://obbosiblog.blogspot.com/2008/04/25-leiir-til-einfalda-fjlskyldulfi.html

Flottur listi. Væri til í að lifa eftir honum.

Ble ble ble,

Hehe, einn góður frá Berglindi systur.

2008-04-08T12:44:00.001+02:00

Einu sinni voru tvær nunnur á gangi í gegnum skóginn.

Önnur þeirra gekk undir viðurnefninu Systir Stærðfræði (SS), En hin var kunn undir viðurnefninu Systir Rökrétt (SR).

Það var farið að dimma og þær áttu ennþá langt eftir á áfangastað.

SS: Hefurðu veitt því athygli að síðustu 38 og hálfa mínútu hefur okkur verið veitt eftirför af einhverjum manni? Ég velti því fyrir mér hvað hann ætli sér.

SR: Það liggur ljóst fyrir að hann ætlar sér að gera okkur eitthvað.

SS: Almáttugur minn! á þessum tímapunkti mun hann ná okkur innan 15 mínútna hið minnsta! Hvað getum við gert?

SR: Það eina rökrétta í stöðunni er auðvitað að labba hraðar.

Stuttu síðar:

SS: Það er ekki að ganga upp.

SR: Auðvitað er það ekki að ganga upp. Maðurinn gerði það eina rökrétta í stöðunni. Hann fór líka að labba hraðar.

SS: Hvað eigum við þá að gera? Á þessari stundu mun hann ná okkur innan einnar mínútu.

SR: Það eina rökrétta í stöðunni fyrir okkur er að fara sitt í hvora áttina. Þú ferð þessa leið og ég tek hina leiðina. Þá getur hann ekki elt okkur báðar.

Því næst ákvað maðurinn að elta Systur Rökréttu. Systir Stærðfræði komst á áfangastað heilu á höldnu en hafði áhyggjur af því hvernig Systur Rökrétt hefði reitt af. Eftir nokkra mæðu kemur Systir Rökrétt loks á áfangastað.

SS: Systir Rökrétt ! Guði sé lof að þú sért komin! Hvað gerðist?

SR : Þar sem maðurinn gat eðlilega ekki elt okkur báðar, þá valdi hann þann möguleika að elta mig.

SS: Já, Já! En hvað gerðist svo?

SR: Nú ég reyndi að hlaupa eins hratt og ég gat, en þá fór hann einnig að hlaupa eins hratt og hann mögulega gat.

SS: Og?

SR: Það eina rökrétta gerðist á þessum tímapunkti. Hann náði mér.

SS: Guð minn góður! Og hvað gerðir þú?

SR: Það eina rökrétta sem ég gat gert og gerði.. Ég lyfti pilsi mínu upp.

SS: Oh, vesalings Systir! Hvað gerði maðurinn?

SR: Það eina rökrétta fyrir hann í stöðunni. Hann gyrti niður um sig.

SS: Æii, nei!! Hvað gerðist svo?

SR : Liggur það ekki í augum uppi, Systir? Nunna með pilsið upp um sig hleypur hraðar en maður með buxurnar á hælunum.

Ble ble ble

Reykjavík ó Reykjavík

2008-04-07T16:09:00.001+02:00

Komin í borg höfuðs. Er með aðsetur í íbúð VFA í Ljósheimum 20. GSM-síminn minn er 0044 7852 931 033. Ég er ekki búin að skipuleggja neitt nema lærdóminn og miðvikudagskvöld. Dagurinn í dag og dagurinn á morgun fara í ritgerðina. Í kvöld og annað kvöld langar mig að bjóða þeim sem geta og nenna að koma í kaffi til mín. Ég verð heima frá hálf sex báða dagana. Miðvikudagurinn er svo ekkert skipulagður ennþá, langar þá að kaffa með þeim sem ekki geta kaffað á kvöldin.

Ég er alveg hundrað % viss um að ég mun gleyma að hafa samband við einhvern, en það er um að gera að mæta bara á svæðið ef ykkur langar að hitta mig og börnin. Mig langar alveg pottþétt að hitta ykkur.

Ble ble ble,

Orð dagsins er:

2008-04-01T13:05:00.001+02:00

Stuttunarfötur - það er sumsé samnefnari fyrir margar stuttbuxur og marga stuttermaboli saman.

Verð líka að láta nokkra sívinsæla heimasmíðaða Heiðufrasa fylgja með.

Ella gella gellat

Heiðanína - Heiða háfstáng

Úní Púní

Dúndína dúndína

Föta föta föta dí föta föta fö (sungið við Dodda lagið)

Gett gett gettaskút

Og ef það þarf að nefna eitthvað er það undantekningarlítið klukkalúk með einstaklega breskum hreim :)

Uppáhalds lagið hans Þórs er Ó hókí pókí. (Ooooo poggí poggí ooooo poggí poggí humm humm humm) Krúttmundur minn.

Ble ble ble

England (breytt)

2008-03-31T17:23:00.001+02:00

Búin að bóka flugið út. Það verður þann 10. apríl. Ég kem í bæinn á laugardag, sunnudag eða mánudag og því ljóst að stoppið verður miklu styttra en ég ætlaði mér þar sem ritgerðarsmíð hefur gengið verr en bölvanlega og ég þarf að vera hér fyrir austan eins lengi og ég get til að vinna. Þrátt fyrir almennan og viðvarandi greindarskort og steinsteyptar ritstíflur held ég dauðahaldi í þá veiku von að mér takist að klára fyrir 16, maí sem er lokaskiladagur.

Út af þessu er samt ljóst að ég næ ekki að hitta allt fólkið sem mig langar að hitta. Kannski fæ ég íbúð til að vera í og þá verður auðveldara að hittast með því að bjóða fólki í heimsókn til mín, annars verð ég bara að bjóða öllum í heimsókn til Englands. Fyrst þarf ég samt að vinna í lottóinu. Ég sem var búin að hlakka svo til að eyða viku eða tveimur í bænum :( Vona bara að ég nái að hitta sem allra flesta.

Ble ble ble.

P.s. Þegar ég verð búin með ritgerðina ætla ég að príla upp á eitthvað mjög hátt, langt í burtu frá öllum öðrum og öskra af hamingju.

testing 1212

2008-03-26T23:18:00.001+01:00

Nýtt dót. Bara að prófa. Hyggst ekki blogga frekar fyrr en komið er í ljós hvenær ég fer í bæinn.

ble ble ble,

2008-02-04T12:11:00.000+01:00

Já, við þurftum heldur betur að venjast snjónum fljótt. Það vill til að hann venst vel og börnin elska að leika sér úti. Meira að segja þó hríðin lemji þau í andlitið. Við erum búin að fara á snjóþotu líka og það sló heldur betur í gegn. Þór skríkti meira og minna allan tímann.

Ég er afar þakklát viðbrögðum Egilsstaðabúa við auglýsingunni hennar mömmu (hún auglýsti eftir notuðum leikföngum í skjánum). Hér biðu okkar margir kassar af leikföngum, bókum og púslum. Baby born með alls kyns fylgihlutum og meira að segja trönur svo það ætti aldeilis að vera hægt að skapa list. Ekki nóg með það, við fengum líka tvö barnarúm, rúmfatnað og sængur fyrir börnin og svo var mamma að dröslast með Þór í snjónum, snjóþotulaus, og hitti þá konu sem bauð snjóþotu til láns og dreif svo bara í að finna hana í geymslunni. Ekkert mál. Mér þykir alveg ótrúlega vænt um þetta allt saman.

Leiðbeinandamál eru að verða komin á hreint og þá verður nú vonandi hægt að fara að ganga frá ritgerðarefni og svo byrja á vinnunni sjálfri. Mikið ótrúlega verður gott þegar þetta verður búið.

Og síðast en ekki síst, Sigga Lára og Árni, til hamingju með litla kút :)

2008-01-30T17:43:00.000+01:00

Vid erum komin heim i snjoinn. Vid forum ut ad leika med Heidu systur og bjuggum til fyrsta snjokallinn. Heida min setti a hann augu og nef og Thor hjo i hausinn a honum med sleif.

2008-01-24T09:50:00.000+01:00

Jæja. Ferðaáætlun lítur einhvern vegin svona út:

London - Reykjavík 26. janúar 13:00 - 16:00. Sótt af Berglindi Eðal Rós
Reykjavík - Egilsstaðir 27. janúar klukkan eitthvað. Keyrð af Heiðu Súper Systur
Gisti í Heiðu systur húsi en það mun trúlega fara lítið fyrir þvælingi á austurferð þar sem við förum örugglega austur um eða uppúr hádegi.

Þar með er ljóst að það fer hver að verða síðastur að fæða handa mér barn til að skoða á leiðinni heim. Koma svo stelpur. Push Push Push :)

2008-01-20T19:18:00.000+01:00

Svona syngur Heiða:

Fljúga litlu fiðrildin
Fyrir utan Stína
Kvöldin kvöldin komin er
Þangað beinn og breiður fer.

Heimkomu hefur verið flýtt og er nú áætluð 26. janúar. Berglind Rós, ef þú hefur tök á að hringja í mig þá væri það vel þegið. Ég mun að sjálfsögðu líka reyna að ná í þig. Var að reyna um helgina en ekki lukkast.

Kveðja,

2008-01-17T21:29:00.001+01:00

Jæja. Þá fer að styttast í heimkomu. Mamma og pabbi búin að vera á haus við að undirbúa. Alltaf svo ótrúlega góð og hjálpsöm og fórnfús. Ég er að verða búin að velja mér ritgerðarefni. Búin að fækka niður í tvær, kannski þrjár hugmyndir og þarf núna bara að tala aðeins við umsjónarmann lokaritgerða, hringja svo nokkur símtöl og gá hvort einhver vilji tala við mig og síðast en ekki síst hvort einhver vilji gefa mér peninga. Ef einhver þarna úti er með eitthvað gott verkefni sem þarf að vinna og er tilbúinn til að borga mér fyrir þá er ég auðkeypt ;). Kannski maður auglýsi bara.

Þór minn litli er orðinn lasinn enn einu sinni. Verður veikur u.þ.b. einu sinni í mánuði og þá yfirleitt með niðurgangspest og RS til skiptis. Í tvígang hefur munað afar litlu að það þyrfti að leggja hann inn. Hann talar ennþá afar lítið, segir mamma, meira, búið, mjá, voff, hermir eftir fiski og síðast en ekki síst kann hann að gera möh möh eins og Pingu. Ekki eins og kusa, Pingu. Segir sitt um hversu hátt skrifaður Pingu er hjá stóru systur. Hann elskar að dansa og syngja og kann hreyfingar við nokkur lög. Honum finnst líka voða gaman að leika með hljóðfærin og lesa bækur. Mest gaman er nú samt þegar Heiða nennir að leika við hann. Ef hún nennir því hins vegar ekki þá bara lemur hann hana. Stráksi er kominn með fyrsta karlaheilkennið sem ég kýs að kalla súperman heilkenni. Hann er óður í að vera í nærbuxum ystum klæða og kemur á harðahlaupum með nærbuxurnar hennar Heiðu ef hann nær að krækja í þær á undan henni. Svo spígsporar hann um rogginn á svip, bendir á nærbuxurnar og segir duu duu. Hvað sem það nú svo þýðir.

Og í lokin smá sería af þjófóttum ungum pilti.

Rosalega eru þessi vínber girnileg.

Stenst ekki freistinguma. Verð að fá mér smá.

Búinn að fjarlægja sönnunargögnin. Tók nokkur eftir þessu? Kjams.

2008-01-12T19:36:00.001+01:00

Heiða er tveggja og hálfs, alveg að verða 75.

Heiða (reið á svip): Hvað varst þú að gera að fara upp í herbergið mitt mamma mín?
Ég: Ég var bara að laga til í rúmunum ykkar og ná í náttföt svo við gætum farið í háttinn.
Heiða: Þú áttir ekki að gera það. Skamm. Hvaða prumpuhani (kemur fyrir í bók sem hún á) ert þú eiginlega?
Ég: Prumpuhani? Ég er ekki neinn prumpuhani. Ert þú prumpuhani?
Heiða: Aldeilis ekki mamma mín. Ertu nú alveg frá þér?

2008-01-06T17:30:00.000+01:00

blogg eða ekki blogg. Það er þessi stóra spurning.

2007-12-11T14:49:00.000+01:00

Börnin fengu í skóinn í morgun. Þeim hefur eitthvað orðið á í messunni blessuðum jólasveinunum þegar þeir skipulögðu ferðir sínar til útlanda. En sei sei jæja. Þau voru alsæl og þá get ég ekki verið annað en alsæl.

Við erum aðeins að byrja að jóla. Ég syng jólalög í sífellu og uppáhalds lagið hennar Heiðu er nú er Gunna á nýju skónum. Já og Haba Haba Súbb Súbb. Það er ekki enn komið fram jólalag sem slær því við. Mér finnst verst þegar hún biður mig að syngja það í margmenni.

Ble ble ble,

2007-12-07T23:32:00.000+01:00

Nú drapst ég úr hlátri. Er þetta virkilega ennþá til? Held ég verði að reyna að sjá til að þessu verði eytt hið snarasta. Kannski maður athugi hvort flotta síðan (næstum jafn flott og mín) sem ég bjó til fyrir Nönnu sé ennþá á sveimi.

Njótið varlega ;)

2007-12-07T22:38:00.001+01:00

Ég verð nú bara að setja þennan hlekk hérna inn. Ekkert smá krúttlegt.

ble ble ble,

2007-11-30T16:46:00.001+01:00

Smá hugleiðing frá Heiðu:
Sko. Mamma er kona, pabbi er maður, Þór er eins árs og Heiða er best.

Og smá hughreysting frá Heiðu (við vorum að fara að sofa og ég lá hjá henni).
Hún var alveg að sofna þá reis hún upp til hálfs, lagði handlegginn um hálsinn á mér, kyssti mig á kinnina og sagði: Þetta er allt í lagi mamma mín, Heiða passar þig. Svo lagðist hún á koddann og sofnaði.

Ble ble ble,

2007-11-29T14:20:00.001+01:00

Haba haba súbb súbb
Heba heba sabb sabb
Namm namm
Haba haba súbb súbb
Heba heba sabb sabb
Namm namm

Úeba Úeba
Ahaba úeba
Namm namm
Úeba Úeba
Ahaba úeba
Namm namm

2007-11-27T15:01:00.000+01:00

Þegar þetta ár verður á enda runnið verða allir fjölskyldumeðlimir mínir búnir að heimsækja mig, meira að segja öll systkinabörnin og líka nýjustu viðhengin. Þið eruð yndisleg og góð.

2007-11-26T13:18:00.000+01:00

Ora fiskibollur í tómatsósu og soðnar kartöflur í matinn. Einu sinni voru fiskibollur og saltfiskur uppáhalds maturinn minn. Fiskibollurnar eru ekki eins góðar og mig minnti en ágætar samt. Vantar samt splunkunýjan þrumara og þykkt lag af smjöri með.

2007-11-26T10:46:00.000+01:00

Góðan daginn.

Allt gott að frétta héðan. Nóg að gera til að halda okkur við efnið. Snærún er í heimsókn. Það er yndislegt að hafa hana hjá okkur.

Ég á bestu fjölskyldu í heimi.

Ble ble ble

2007-10-24T13:39:00.000+02:00

Smá myndablogg á miðvikudegi. Jonathan fór til Írlands í byrjun október og þá fór ég með krakkana í sumarhúsagarð og myndirnar eru allar teknar þar nema sú efsta.

Gaman á hvolfi

Heiða og Doddi uppáhalds.

Þór og herra Sæll.

Hvar er svo maturinn? Við erum svöng.

Þvílíkt stuð á diskóteki. Heiða elskar að dansa.

ble ble ble,

2007-10-23T23:38:00.000+02:00

Í gær kvöddu þennan heim tvær manneskjur sem eiga stóran stað í hjarta mínu. Yndislegt og einstakt fólk. Móðurbróðir minn, Birgir Björgvinsson og hún Lára Kjerúlf. Hvíl í friði.

2007-10-17T19:29:00.000+02:00

Ég er að fara á Proclamers tónleika á eftir. Það er bara fyndið :)

2007-10-07T20:11:00.000+02:00

Núna áðan:

Heiða: Mamma, nóttin er komin.
Mamma: Ha, nei. Ekki alveg (klukkan var hálf sjö), en bráðum.
Heiða: Jú víst. Sjáðu bara (bendir á gluggann). Það er alveg dimmt (sem var alveg rétt hjá henni).
Mamma: Jæja, eigum við þá að fara að fá mjólkina.
Heiða: Já, og dudduna og bolina.
Mamma: Biddu pabba þinn að finna dudduna og bolina.
Heiða: Já, ég skal gera það. Ég ætla að fara að frekjast og tuða í pabba.

Ble ble ble,

2007-10-06T12:33:00.000+02:00

Jæja, komin heim. Fríið var frábært. Skemmtilegur staður sem við vorum á. Nóg að gera fyrir börnin. Bleikir fílar og bangsar í skotapilsum, Tígrisdýr sem spiluðu á gítar og sungu. Föndur og sögur í hádeginu og leiksýning eða diskótek á kvöldin. Sundlaug og róló og innileiksvæði. Og svo náttúrlega ótrúlegt magn af spilakössum, bílum og tækjum þar sem maður getur unnið bangsa með því að færa til nokkurs konar krana og svo þarf að reyna krækja í bangsann. Snærún ætti bara aðkoma þarna. Hún gæti eflaust unnið fleiri bangsa en ég. Bangsanáítækin eru voða vinsæl og gaman að fylgjast með eftirvæntingunni í augum barnanna á meðan kraninn er á ferð og svo vonbrigðunum þegar krókurinn kemur tómur upp eða þá gleðinni þegar nýr bangsi birtist. Áhyggjur mínar af veðrinu voru ástæðulausar. Hitinn var á bilinu 18-22 stig og engin rigning. Einn daginn var meira að segja ekki ský að sjá á himni og þá hefði vel verið hægt að leggjast í sólbað. Yndislegt haustveður :)

Læt fylgja með myndir síðan í sumarfríinu í ágúst.

Mmmmm. Mig langar líka í ís?

Við fórum í strætó. Það var svo gaman og spennan svo mikil að eftir smá akstur steinsofnuðu þau bæði.

Systkinin fengu að sofa í sama rúmi og það gekk bara rosa vel.

Við fórum í sund og það var ekkert smá vinsælt. Algjört vatnadýr hún Heiða Rachel.

2007-09-30T22:35:00.001+02:00

Svona klæðir maður sig úr skónum.

2007-09-28T09:58:00.000+02:00

Ég held að ef svo heldur sem horfir með útbreiðslu búfjársjúkdóma á Bretlandi, þá verður ekkert búfé eftir hérna. Við erum hér á ytri mörkum sóttvarnarsvæða og bændur eru með hjartað í buxunum og virðist sem í hverjum fréttatíma sé greint frá nýjum bæjum sem eru smitaðir og/eða nýjum sjúkdómum sem eru að breiðast út. Maður neyðist sennilega bara til að gerast grænmetisæta.

Jólin eru að koma. Ég þarf að fara að gera jólagjafalistann og versla svo ég geti nú ábyggilega komið þessu í póst tímanlega. Vil ekki að fólk þurfi að bíða eftir gjöfunum sínum fram yfir áramót eins og hefur komið fyrir.

Á morgun förum við Jonathanslaus í haustfrí í sumarhúsagarð sem við höfum ekki farið í áður. Það verður ábyggilega ágætt en ég vona að það verði ekki of kalt. Húsið er ekkert hitað. Maður hefur nú svo sem sofið í kulda áður og farið í tjaldútilegur og vaknað við að allt er komið á kaf í snjó þannig að þetta hefst nú sjálfsagt.

Veit einhver hvort það er hægt að setja upp færslur á blogger þannig að sumar séu læstar og sumar ekki? Mér er farið að finnast óþægilegt að skrifa sumt á bloggið þar sem ég hef ekki hugmynd um hverjir koma hér inn og lesa. Því væri voða gott að geta bara læst færslum sem ég vil ekki að allir komist í.

ble ble ble.

2007-09-25T23:54:00.001+02:00

Ég opnaði háskólatölvupóstinn minn áðan og hann var enn virkur. Gamla góða netfangið okkar Aðalbjörns. Ég átti ekki nema 1300 ólesna pósta. Það var svo miklu minna en ég átti von á. Spurning hvort maður nennir að fara í gegn um þá alla til að gá hvort einhver hafi sent manni eitthvað merkilegt síðustu tvö árin.

Við Heiða vorum að leika okkur í dag með stubbana. Þeir fóru í búðina að kaupa sér ís og eftir miklar vangaveltur um hvernig ís þeir vildu fékk ég að velja. Ég vildi súkkulaði (húkkaga). Svo komu nú stubbarnir heim úr búðinni með ísinn og þá vildi ég náttúrlega fá minn. Þá heyrðist í minni: Mamma (ótrúlega hneyksluð). Hann á að fara í frystinn !!!

Þór er kominn í sér herbergi. Loksins. Þá kannski kem ég því í verk einhverntíman bráðum að venja hann af næturgjöfum og á að sofa alla nóttina. Þá verður nú aldeilis gaman að vera ég. Gvuuuuð hvað ég hlakka til að sofa í marrrrga klukkutíma samfleytt.

Ég er orðin algjört treiler trasj og ætla að skella mér í enn einn hjólhýsagarðinn í næstu viku. Jonathan er að fara til Írlands í vinnuferð þannig að ég ætla bara að fara með þau í smá frí þar sem er nóg um að vera og engin leiðinleg heimilisstörf til að trufla okkur. Núna ætlum við hingað.

Ble ble ble,

2007-09-25T09:12:00.001+02:00

Og meiri myndir.

2007-09-24T15:03:00.000+02:00

Mér líður undarlega (á góðan hátt). Ég er hálfnuð í gegn um eitthvað sem ég get bara kallað ósjálfrátt uppgjör þar sem ég hef lítið gert til að koma því af stað eða halda því gangandi. Það er bara að gerast. Mér hefur svo lengi liðið svo ótrúlega illa, miklu verr en nokkurn hefur grunað held ég, þar með talið ég sjálf. Ég bara hef aldrei verið í nógu góðum tengslum við sjálfa mig til að skilja virkilega hvernig mér líður. Fyrr en kannski núna.

Ef ég reyni að setja líðan mína í myndmál þá er helst eins og ég hafi í mörg ár (og þá er ég að tala um 10-15 ár) verið föst einhversstaðar úti á miðju hafi og það eina sem hélt í mér lífinu var að troða marvaða á fullu (er það annars skrifað svona). Oft var ég alveg komin að því að drukkna en á köflum náði ég líka að halda mér nokkuð vel á floti.

Nú er bara eins og einhver hafi allt í einu komið og gripið í hendina á mér og flogið með mig upp á þurrt land. Nú þarf ég bara að ákveða í hvaða átt ég ætla að halda og reyna að forðast það að henda mér í hafið aftur.

Í lokin, smá myndir af fallegu börnunum mínum.

Flottir pakkar maður (tekið á afmælisdaginn hans Þórs)

Sjáðu mamma, ég gat líka litað á bumbuna :)

Saman að leika með nýju bílabrautina.

Ble ble ble,

2007-09-22T20:54:00.000+02:00

Ég held að skífan.is hljóti að vera með lélegustu netverslun í heimi :(

Af hvaða heimasíðu á maður að panta íslenska tónlist og DVD?

2007-09-22T17:29:00.000+02:00

Þá er menntun barnanna í Disney hafin. Í þessari síðustu veikindahrinu horfðum við í fyrsta skipti á Lion King og nú sönglar Heiða Hakuna Matata.

Veit einhver hvort það er til einhverskonar afsláttarpakki með Disneymyndunum talsettum? Þarf endilega að ná í þær á Íslensku.

2007-08-21T17:25:00.000+02:00

Emmessennið er komið í lag, a.m.k. þannig að allir kontaktarnir mínir eru komnir inn aftur. Ég veit hins vegar ekki hvort tölvan heldur áfram að skrá mig inn og út að vild, það verður að koma í ljós.

2007-08-20T20:17:00.000+02:00

Sjónvarpið okkar er steindautt. Kapútt. Hætt og farið og nennir ekki að vera með í svona asnalegu leikriti. Við eigum erfitt með að ákveða hvort við eigum að kaupa okkur stóran flatskjá til að hengja upp á vegg eða hvort við fáum okkur bara eitthvað á tíkall af íbei.

Msn-ið mitt gaf upp öndina einhverra hluta vegna. Nú er enginn eftir á vinalistanum mínum. Gamla msn-ið mitt hefur haft þann leiða ávana að skrá mig inn án þess að vera beðið um það og gert það svona bara þegar því hentar og virðist engin regla vera á því. Nú hefur nýji live messengerinn tekið upp á því að gera slíkt hið sama. Því hefur oft komið fyrir uppá síðkastið að einhver hefur verið að reyna að spjalla við mig þegar ég er alls ekki neins staðar nálægt tölvu og á ekkert að vera skráð inn. Ég biðst afsökunar á því. Má ég því biðja ykkur um að bæta mér við á msn-ið hjá ykkur eða senda mér netföng í tölvupósti eða í kommenti við færsluna. Netfangið mitt er sigurjonsdottir@hotmail.com

Kann einhver skýringu á svona hálfvitagangi í emmessenni???

Ble ble ble,

2007-08-18T09:22:00.000+02:00

Hann Þór Sebastían á afmæli í dag. Hann er eins árs, þessi litli kútur (3. mán. á myndinni). Til hamingju með afmælið elsku strákurinn okkar.

Við erum að fara í sumarfrí.
Túra lúra.
Við erum að fara í sumarfrí.
Túra lúra lei.

Fyrst verðum við hér í viku og svo verðum við hér í aðra.

Ble ble ble,

2007-08-17T20:16:00.000+02:00

Í dag raðaði ég upp á nýtt barnafræðibókunum sem við köllum sparibækur því það þarf að fara svo vel með þær og Þór má ekki skoða þær einn. Þegar Heiða sá að ég var búin að laga þær og raða þeim upp á nýtt sagði hún. Ohhh mamma, takk. Nú get ég loksins skoðað sparibækurnar aftur. Ég er svo spennt.

Þór er allur hinn æstasti í að labba og nær að labba óstuddur milli húsgagna. Þegar þetta tekst fylgir svo ótrúleg gleði að hann tryllist í fagnaðardansi og hoppum, svo mikið að hann dettur.

Þór og Heiða voru saman að stríplast áðan áður en þau fóru í bað. Svo prumpar annað þeirra hátt og mikið og þau lögðust bæði í gólfið í hláturskrampa. Það er greinilegt að húmor erfist.

Ble ble ble,

2007-08-14T18:21:00.000+02:00

Um daginn hækkaði hamingjustuðullinn í lífi mínu umtalsvert þegar ég fann risastóran stauk af season all kryddi úti í búð. Án þess hef ég þurft að elda í þrjú ár núna. Það er náttúrlega ekki hægt.

2007-08-13T20:11:00.000+02:00

Þrjár Heiðusögur

Í gær var hún að púsla stafrófspúslið. Hún er mjög dugleg að læra stafina en samt ekki alveg komin með þetta á hreint. Svo var hún að púsla Vaff og á því púsli er mynd af vasaljósi. Ég spurði hvaða stafur væri á myndinni og hún hugsaði sig um í svolitla stund og sagði svo "vas", mjög stolt af sjálfri sér. Greinilega búin að kveikja á því að fyrstu hljóðin í orðinu eru þau sömu eða svipuð og heitið á bókstafnum.

Í morgun var Jonathan að opna poka með morgunkorni en það mistókst eitthvað svo það fór morgunkorn út um allt. Þá kom Heiða inn: Nei nei pabbi minn. Pabbi kaufi. Pabbi rosa rosa kaufi með moggunkoddnið. Það má ekki geða hona. Skamm. Pabbi núna kaka til.

Heiða frænka kenndi litlu Heiðu að segja kjánaprik. Litlan segir Kjánapeeeeeek, alveg bullandi flámælt :)

Af Þór er helst í fréttum að hann er kominn með sex tennur og kýs nú frekar að labba meðfram heldur en að skríða ef það er í boði. Hann er búinn að taka fyrstu skrefin og verður trúlega ekki mjög langt í að hann fari að labba meira. Í fyrradag þegar hann vaknaði af lúrnum sínum þá heyrðist fyrst eitthvað uml og svo mamma. Svo beið hann í pínu stund. Þá heyrðist babba. Hvort hann var að segja pabbi eða ekki vitum við ekki alveg en þetta er alla vega í fyrsta skipti sem hann segir það.

Þau eru aðeins farin að leika sér saman og þá í feluleik eða eltingaleik og svo púsla þau saman. Þór réttir Heiðu þá eitt og eitt púsl og hún spyr hann hvaða mynd er á púslinu og setur það svo á réttan stað.

Af okkur er svo sem ekkert að frétta, bara allt gott. Jonathan vinnur og vinnur og ég heimila og heimila og hugsa um börnin og enginn tími til annars.

Beð að heilsa,
ble ble ble.

2007-07-15T21:06:00.000+02:00

Stund milli stríða. Heiða systir og Sigurjón ennþá hjá mér. Alveg frábært bara. Allt í lukkunnar velstandi.

Sérstök ástæða til hátíðahalda því kílóunum sem ég dragnast með utan á mér á hinum ýmsustu stöðum fer fækkandi. Þarf þó að fækka um að minnsta kosti 10 í viðbót en það virðist ekki lengur óyfirstíganlegt.

Nýtt heimilisfang og símanúmer er í kommenti við síðustu færslu, ég vil síður setja það beint inn á bloggið.

Ble ble ble,

2007-07-07T22:43:00.000+02:00

Ég lifi. Brjálað að gera. Alltaf gestir. Ótrúlega gaman. Búin að eignast nýja vinkonu. Eiginlega tvær nýjar vinkonur. Ótrúlega gaman. Lífið er gott.

Heiða er hætt með bleyju á daginn og það gengur ótrúlega vel, Það verða kannski eitt til tvö slys á viku. Hún er alltaf svo ótrúlega dugleg og góð. Hún er núna farin að hafa gaman af því að leika við bróður sinn sem er bara yndislegt að sjá.

Þór er loksins farinn að skríða venjulegu skriði en var búinn að fara allra sinna ferða með hermannaskriði og rúlli í langan tíma. Hann er líka farinn að standa upp og ganga meðfram. Hefur einu sinni staðið upp á miðju gólfi án stuðnings en það entist ekki sérlega lengi. Hann elskar að lesa og skoða flipabækur og er ótrúlega vandvirkur þegar hann opnar flipana. Hann kann eitt orð. Það er mamma. Þarf maður nokkuð að kunna nokkuð annað?

Það er orðið útséð um að ég komi heim í sumar en heimferð er hugsanleg í haust, sennilega þá í október.

Rannveig, ef þú lest þetta. Við þurfum að fara að heyrast og plana húsmæðraorlof :)

Að lokum, englamyndir:

Lovjúol og ble ble ble.

2007-05-27T23:36:00.000+02:00

Vid erum flutt, tolvan og nettenging loksins komin i gagnid. Thvi ma buast vid tidum og aesispennandi frettaflutningi hedan fra Wokingham (eda alla vega einhverju smaraedi svona einu sinni i manudi).

lovjuol.

2007-04-26T11:45:00.000+02:00

Jæja, ég er komin úr hinni víddinni. Þar var nú aldeilis gaman að vera. Heiða systir kom meira að segja að heimsækja mig og við héldum afmælisveislu fyrir litlu Heiðu.

Ég bloggaði ekkert því ég þurfti að gera eitthvað til að fara inn á nýja bloggerinn og hélt það væri eitthvað voða flókið. Svo tók það enga stund þegar upp var staðið.

Ég ætla að blogga nokkur orð núna því annars gleymi ég þessu.
Laddli = froskur
Nín = svín
Nón = ljón
Jittabau = ristað brauð
Nennibaut = rennibraut
Oppdeþþ = upstairs
Heida gó bíb = Heiða go sleep
Dulla = dugleg
Pöú = Pó (úr stubbunum) með breskum hreim

Notar fleirtölu fyrir nokkur orð
Segir langar næstum fullmyndaðar setningar.
Fallbeygir helling

Erum að fara að flytja í byrjun maí.

Eyrún/Björn Óðinn. Þið eruð velkomin í byrjun júlí, hringi í þig fljótlega Bjössi eða reyni að hitta á ykkur á msn.

Og að lokum, afmælisstelpa og litli bróðir (baba minn)

Hún fékk dúkku í afmælisgjöf

Hann fékk kærustuna sína í heimsókn.

Ég bið fyrir þeim sem eiga í sálarstríði.

Lovjúol,

2007-03-24T10:06:00.000+01:00

Ég var að kaupa mér svona.

2007-03-22T22:39:00.000+01:00

Það er svo fyndið og sætt að hlusta á þegar Jonathan les fyrir Heiðu og hún segir hluti eins og my toyfish bubbles, mr. wobbly man, toy town og bara alls kyns frasa á ensku með ótrúlega breskum barnahreim. Alveg krúttlegt. Og svo segir hún oft blandaðar setningar eins og Daddy úappa Heiju bissa potty (daddy hjálpa Heiðu pissa potty).

Þór er að fá tönn númer tvö. Hann er farinn að draga undir sig hnén og lyfta sér upp á tærnar en af því að hann lyftir sér ekki uppá olnbogana eða hendurnar um leið þá dettur hann bara á andlitið og meiðir sig í nebbanum. Hann sat alveg sjálfur í örugglega hálfa mínútu í fyrradag en er samt ennþá svo óstöðugur að maður verður að vera hjá honum öllum stundum þegar hann situr. Þetta hlýtur nú samt að fara að koma hjá honum.

Heiða er með mjög slæma eyrnabólgu. Í gær öskraði hún og var algjörlega tryllt í tvo klukkutíma. Svo mikið að ég fór að gráta, hún fann svo til greyið.

Ég er orðin námsmaður enn á ný.

Ópel Vectra er ekki góður bíll. Ekki einu sinni þó hann sé með sat. nav. Það er samt gaman að leika sér með það. (Fyrir þá sem ekki vita, sat. nav. = Sattelite navigation. Dót sem ratar fyrir mann með því að nota gerfihnetti). Mig langar í svoleiðis í bílinn minn.

Mynd dagsins er ósýnileg.

ble ble ble,

2007-03-20T22:54:00.000+01:00

Akkúrat núna er á BBC4 skemmtiþáttur með áhorfendum í sjónvarpssal. Það er nú kannski ekki í frásögur færandi nema af því að þetta er nokkurs konar spurningaþáttur og eru spurningarnar þannig að liðin fá til skiptis texta upp á skjá hjá sér og eiga að leiðrétta greinamerkjasetningu í textanum. Þetta er það sem ég kalla alvöru sjónvarpsefni.

Ble ble ble,

2007-03-19T00:29:00.000+01:00

Hvað er eiginlega svona fyndið?

2007-03-17T13:54:00.000+01:00

Myndir dagsins. Börnin bæði eins dags gömul.

Getur verið að þessi þreytti strákur sé kominn með tönn?

Getur verið að þessi þreytta stelpa sé alveg að verða tveggja ára?

2007-03-14T16:17:00.000+01:00

Það hefur verið heldur lágt á okkur risið undanfarið. Við höfum öll verið lasin nema Jonathan og börnin lengi. Heiða veiktist á mánudag (í síðustu viku) og fékk næstum 40 stiga hita sem þó entist ekki nema í einn sólarhring. Síðan þá hefur hún verið með 38. Nóg til að mega ekki fara út en hefur samt verið ótrúlega hress. Þór hins vegar veiktist daginn eftir að Heiða veiktist og er búinn að vera með milli 39.5 og 40.5 meira og minna síðan. Hann er sannur karlmaður og ber sig afar illa í þessum veikindum öllum, vill bara vera í fangi og volar af vanlíðan greyið litla. Þetta er enda alveg einstaklega ógeðsleg pest með kvefi, hálsbólgu, hósta, beinverkjum, hita, uppköstum og niðurgangi. Semsagt bara ein með öllu enda börnin bæði búin að léttast. Nú vona ég að þetta fari að verða búið.

Hér liggur nú við að sumarið sé komið. Hitinn hefur verið milli 10 og 15 stig og yfirleitt heiðskírt eða léttskýjað. Afar ljúft. Verst að geta ekki verið úti með börnin í svona blíðu. Fullkomið veður fyrir börn til að leika sér.

Ég er búin að skrá mig og orðinn nemandi í home learning college. Þar ætla ég að læra á SAGE tölvubókhald og launakerfi svo ég geti farið að vinna einhverntíman aftur. Það verður án efa einstaklega skemmtilegt en ætti að nýtast vel þar sem um 90% fyrirtækja hér nota þetta forrit. Ég vona bara að ég deyji ekki úr leiðindum yfir þessu öllu saman ;)

Við erum búin að finna nýtt hús og sækja um að leigja það. Það er í Wokingham og það er róló í sömu götu og Tælenskt/Víetnamískt veitingahús á horninu. Það er hægt að labba inn í miðbæinn þó svo það taki sjálfsagt 20 mínútur með kerruna. Mér finnst það samt muna ótrúlega miklu að þurfa ekki alltaf að keyra til að fara allt.

Jonathan er að fá stöðuhækkun og verður orðinn millistjórnandi hjá Dell. Í tilefni af því ákvað hann að fá útrás fyrir andúð sína á mótorhjólafólki (sem er reyndar uppspuni frá rótum) og keyra á einn slíkan í gær. Sem betur fer meiddist enginn en hjólið er þó talsvert mikið skemmt og hliðarspegill og dekk ónýtt á okkar bíl.

Og smá í lokin: Rosa gaman að taka uppstilltar myndir.

2007-03-09T12:38:00.000+01:00

Smá prufa

2007-03-08T00:24:00.000+01:00

Þór sat í fanginu á mér í dag og var að leika sér með lítinn meinleysislegan plastkall. Svo lamdi hann mig svo fast í handabakið með kallinum að ég fékk kúlu og marblett.

Heiða er orðin alveg ótrúlega dugleg að tala og skilja ný hugtök. Hún segir 5/6/7 orða setningar og er farin að fallbeygja ýmis orð, m.a. mamma, amma, pabbi, bíll og kisa. Hún er voða dugleg með litina, kann þá alveg en nennir ekkert alltaf að sýna manni. Hún kann nokkra stafi og er alltaf að telja þó svo allt sé einn þangað til að allt í einu kemur tíu. Hún elskar að fá að hjálpa til í eldhúsinu. Augun lýsast upp af gleði - Mamma edda mati? Heija wappa mömmu edda mati. Mjammi. (Mamma elda matinn? Heiða hjálpa mömmu elda matinn. Nammi). Samt vill hún aldrei borða neitt. Hrmpf.

Hér er svo mynd af Rúllmundi.

Og það má náttúrlega ekki gera upp á milli svo hérna er mynd frá því þegar Heiða hélt sitt fyrsta matarboð.

2007-03-03T20:57:00.000+01:00

Pabbi minn átti afmæli í gær. Til hamingju með daginn pápíus.

2007-03-01T15:14:00.000+01:00

Af því að í dag fyrir x mörgum árum var bjór lögleiddur á Íslandi ætla ég að fárast yfir því að hér í Bretlandi er áfengislaus bjór allt að tvöfallt dýrari en áfengur bjór. Mér finnst það algjört frat.

Í öðrum fréttum er það helst að ég er búin að vera að taka til í þrjá daga stanslaust en samt er alltaf jafn mikið rusl alls staðar. Ég fór á úrvalsdeildarfótboltaleik (gott orð) á þriðjudaginn, Reading - Man. Utd. og það var alveg hrikalega gaman. Það er alveg ljóst að ég mun gera meira af því í framtíðinni. Það var ekki alveg jafn gaman að koma heim og finna Þór máttlausan af hungri og þreytu, búinn að orga meira og minna í þrjá klukkutíma og Jonathan greyið algjörlega búinn á því. Fann enga leið til að fá stúf til að borða eða róa hann niður. Held hann hafi verið að því kominn að brotna niður. Þór og Jonathan eru því komnir í æfingabúðir svo ég komist bráðum út aftur.

Og að lokum. Yndislegur blíðviðrisdagur á Seyðisfirði í mars 2003. Ósköp er nú fallegt fyrir austan.

2007-02-28T22:31:00.000+01:00

Meira jóla :)

2007-02-28T19:13:00.000+01:00

Smá jóla fyrir familíuna. Meira væntanlegt.