England (breytt)
Búin að bóka flugið út. Það verður þann 10. apríl. Ég kem í bæinn á laugardag, sunnudag eða mánudag og því ljóst að stoppið verður miklu styttra en ég ætlaði mér þar sem ritgerðarsmíð hefur gengið verr en bölvanlega og ég þarf að vera hér fyrir austan eins lengi og ég get til að vinna. Þrátt fyrir almennan og viðvarandi greindarskort og steinsteyptar ritstíflur held ég dauðahaldi í þá veiku von að mér takist að klára fyrir 16, maí sem er lokaskiladagur.
Út af þessu er samt ljóst að ég næ ekki að hitta allt fólkið sem mig langar að hitta. Kannski fæ ég íbúð til að vera í og þá verður auðveldara að hittast með því að bjóða fólki í heimsókn til mín, annars verð ég bara að bjóða öllum í heimsókn til Englands. Fyrst þarf ég samt að vinna í lottóinu. Ég sem var búin að hlakka svo til að eyða viku eða tveimur í bænum :( Vona bara að ég nái að hitta sem allra flesta.
Ble ble ble.
P.s. Þegar ég verð búin með ritgerðina ætla ég að príla upp á eitthvað mjög hátt, langt í burtu frá öllum öðrum og öskra af hamingju.
4 Ummæli:
Við þurfum altént að hittast. Hvað sem það kostar.
ég bara verð að fá að sjá ykkur! hér er allt barnvænt og fínt, þið gætuð alveg gist hér ef þú vilt. er með stórt rúm í gestaherberginu og á ferðarúm svo það ætti að vera í fínasta lagi...
Já, ritgerðir eru bévaðar. En þær eiga það líka til að vera síðan allt í einu búnar!
Ég er líka í lokaverkefnisslagnum og á svipuðum bömmer, en það þýðir ekki neitt, við bara rústum þessu og ekkert rugl!
Skrifa ummæli
Gerast áskrifandi að Birta ummæli [Atom]
<< Heim