Ekkiland

Litla ljúfan hún Heiða systir mín á afmæli í dag. Til hamingju alla leið til bandaríkjanorðurameríku. Hún er bráðum að fara í vikuferð til njú jork alein... Ó mig auma, bara að hún passi sig á ljótu köllunum.

Við Jónatan eigum líka ammli í dag. Fyrir tveimur árum nákvæmlega var ég hér í Montpellier að heimsækja SigguLáru á ammlisdaginn hennar Heiðu en af einhverjum undarlegum ástæðum (...) gleymdi ég að hringja í hana. Alla vega við hjónaleysin erum búin að vera saman í tvö ár - tíminn líður svo ótrúlega hratt. Reyndar finnst mér vera miklu lengra síðan ég kynntist Jonathan en það er bara stundum þannig, maður hittir einhvern í fyrsta sinn og finnst maður hafa þekkt hann alla ævi. Þannig var það líka þegar ég hitti SigguLáru í fyrsta skipti....... Heyrðu - bíðum nú aðeins við...... Nei það hlaut að vera - ég hef þekkt SigguLáru alla ævi :) ekki margir sem hafa verið þeirrar gæfu aðnjótandi.

Titilinn vinur vikunnar hlýtur SiggaLára fyrir að vera traustur vinur sem getur gert kraftaverk... (til dæmis komið mér á fast...)

Svandís birti @ 22:35 0 Ummæli

Blogga eins og vindurinn sagði konan.

Gallinn er bara sá að ég veit eiginlega ekki hvar ég á að byrja. Ég er búin að vera sambandslaus við umheiminn svo lengi.

Ég held að það sé nú best að byrja á að biðja alla þá afsökunar sem hafa árangurslítið reynt að spjalla við mig gegn um msn undanfarið. Ég virtist bara stundum geta sent skilaboð og tekið á móti skilaboðum. Þannig að - þið ykkar sem voruð ítrekað að reyna að spjalla við mig og ég svaraði ekki þó ég væri á línunni (virtist sérstaklega eiga við Ástu og Linda bróður) - ég var að reyna að svara, virtist bara ekki skila sér til ykkar.

Hér er í grófum dráttum það sem á daga mína hefur drifið undanfarna tvo mánuði:

Byrjun ágúst - við keyptum hús

tölvan mín bilaði

Ég missti af brúðkaupi aldarinnar (grenjgrenj) og ég tók næstsíðasta prófið mitt í viðskiptaoghagfræðideildháskólaíslands

Ég tók síðasta prófið mitt í viðskiptaoghagfræðideildháskólaíslands

Ég reyndi ítrekað að finna leið til að komast til alicante til að heimsækja Nönnu og Jón Geir. Það verður að bíða næsta sumars.´

Ég skráði mig í frönsku í Paul Valery sem er blessaður skólinn sem Siggalára var í í hittifyrra. (það er ekki lítið mál að skrá sig í skólann hér, ég þurfti að fara þangað að minnsta kosti sjö sinnum til að vera endanlega skráð og hafa stundatöflu)

Við fengum gesti.

Simon flutti út (kannski flutti hann áður en tölvan mín bilaði, ég bara man það ekki alveg. Hann er allavega fluttur og leggur ástkæra stórusystur mína í reglulegt einelti með dónalegum sms-um)

Við fluttum, nú bý ég ekki lengur í Montpellier, ég bý í bæ sem heitir Villeneuve les Maguelone og er komin með nýtt heimilisfang, símanúmer og gsm-númer.

Ég er byrjuð í skólanum núna og læri frönsku í 15 klst. á viku.

Og fullt af öðrum hlutum sem ég man ekki eftir í augnablikinu. Ég læt þetta duga í bili. Við erum að fara að þrífa húsið sem við bjuggum í (ojjj ekki skemmtilegt), það verður gott að ljúka því af. Ég þarf svo að læra fyrir sagnapróf sem er á morgun.

Eitt enn. Ég veit hvers ég á eftir að sakna óstjórnlega við Ísland ef við setjumst að hér... Það eru árstíðirnar. Hér eru voða litlar árstíðir. Það er kannski ekki alveg satt, það eru bara miklu minni árstíðir. Núna er til dæmis haust. Það er alveg eins og sumarið nema það rignir einu sinni í viku. Svo kemur vetur. Hann er alveg eins og haustið nema það rignir tvisvar í viku. Svo kemur aftur vor. Það er alveg eins og veturinn nema það rignir bara einu sinni í viku. Svo kemur aftur sumar. Það er alveg eins og vorið nema það rignir bara ekki neitt.

Í dag er rigning og það finnst mér gott því það minnir mig á gamla góða Ísland, mína ástkæru fósturjörð...

Ástarkveðjur,

Svandís birti @ 13:34 0 Ummæli

Se mig knuna til ad tilkynna ad tolvan min er komin i lag. Thad a reyndar eftir ad setja fullt af doti upp upp a nytt (m.a. islenskt lyklabord...) en eg er alla vega komin i varanlegt samband vid umheiminn aftur.

knus
Svandis

Svandís birti @ 15:26 0 Ummæli