júlí 27, 2005

Ég fékk neyðarvegabréf og ég er komin heim - ligga ligga lái.

GSM síminn minn dó drottni sínum þannig að ekki er hægt að ná í mig í gemsanum fyrr en ég er búin að redda mér nýjum. Ég held til hjá Berglindi systur og það er hægt að ná í mig þar.

Ekki meira í bili,
ble ble ble

júlí 20, 2005

Örvitablogg

Vegabréfið er týnt í pósti.
Vegabréfið var sent með ábyrgðarpósti.
Franski pósturinn skráir ekki ábyrgðarbréf eftir viðtökunúmeri.

Til að hægt sé að rekja bréfið þarf upplýsingar um eftirfarandi:
Nákvæma utanáskrift
Útlit bréfsins
Innihald bréfsins.

Ég ímynda mér samtalið:

Starfsmaður íslandspóst: Góðan daginn, ég er að leita að bréfi.
Starfsmaður frakklandspósts: Já, hvernig lítur það út?
Starfsmaður íslandspóst: Það er svona hvítt með frímerki í horninu.
Starfsmaður frakklandspósts: Bíddu aðeins, ég ætla að gá... (kemur aftur í símann) Heyrðu, ég fann sjö milljón svoleiðis. Hvað stendur utan á bréfinu?...........

Döööööööh, af hverju geta frakkar ekki skráð bréfin eftir sama númerakerfi og restin af Evrópu? Af því að það er of einfalt.

Gremja gremja gremja gremja gremja gremja gremja gremja gremja gremja gremja.

ble ble ble

júlí 19, 2005

Örblogg

Við komum heim seinnipart 26. júlí og verðum í Reykjavík í 4-5 daga en höldum svo austur. Ég verð með gamla góða GSM númerið mitt sem allir muna er það ekki?

Tvær spurningar:

Býr einhver svo vel að eiga vagn/kerruvagn og bílstól sem ekki er í notkun og vill lána mér meðan ég verð heima?
Er einhver svo góðhjartaður að geta og vilja koma að sækja okkur til Keflavíkur?

GET EKKI BEÐIÐ EFTIR AÐ SJÁ YKKUR ÖLL !!!!!!!

ble ble ble

júlí 08, 2005

Jæja jæja - ég ætlaði að hefja þennan póst á "jess jess jess jess jess" því London fékk ólympíuleikana en finnst það ekki alveg viðeigandi lengur. Þess vegna verður bara eitt lítið jess í tilefni þess. Spurning um að panta sér hótel fyrir ólympíuleikana strax.

Um gærdaginn í London - hvað getur maður svo sem sagt. Hræðilegt í alla staði.

Snærún systir átti afmæli í gær - til hamingju með það dúlla
Hrafnkell Hilmar átti afmæli 4. júlí - til hamingju með það dúlli ;)

Stefni ennþá á að koma heim þann 22. júlí og vona að það gangi eftir. Fórum til Marseille að sækja um vegabréfið og það á að vera tilbúið í sendiráðinu í París á mánudaginn kemur. Marseille lítur út fyrir að vera algjört skítapleis, mig langar ekkert sérstaklega að koma þangað aftur. Ég sá samt stærra skemmtiferðaskip en ég hef séð áður og ég sá líka skógareld með berum augum.

Við förum kannski í skreppitúr til Englands í næstu viku. Við munum gista hjá tengdaforeldrum mínum. Ég kvíði fyrir því. Annars verður gaman að koma til Englands og komast í almennilegt veður og vera ekki alltaf að drepast úr hita.

Heiða Rachel er yndisleg eins og alltaf, brosir og hjalar og er alltaf að læra nýja hluti. Hún er átvagl hið mesta og er búin að lengjast um 10 cm og þyngjast um tæp þrjú kíló frá fæðingu. Ég held því miður að ég hafi líka þyngst um þrjú kíló frá fæðingu en get því miður ekki skellt skuldinni á 10 cm. lengingu. Demit. Jæja, maður gerir eitthvað í því einhverntíman seinna. Maður verður nú að fá að vera feitur einu sinni ;)

Sigga Lára - til hamingju með væntanlegt afkvæmi og sýnist mér á síðunni þinni að Heiða Skúla hafi þegar nefnt "bumbubúann ;) " - Heiðlaugur. Þú átt mikið og skemmtilegt ævintýri fyrir höndum í óléttunni. Njóttu þess. Væri sko alveg til í að vera í þínum sporum með barn númer í maganum.

Nóg að sinni -
ble ble ble,